«Ол мүмкін емес шығар»: Баян Мақсатқызы әйелдерді оңалту орталығын ашты

Атышулы продюсер Баян Мақсатқызы зорлық-зомбылыққа ұшыраған әйелдерге арналған оңалту орталығын ашты, деп хабарлайды Skifnews.kz ақпарат порталы.

Шоу-бизнес өкілі бұл туралы Instagram-дағы парақшасында жазды

Мен зорлық-зомбылыққа ұшыраған әйелдер мен балаларға арналған оңалту орталығын ашуды жоспарлап жүргенімді айтқан болатынмын. Ол дайын болды. Жуырда арадан орталық жұмысын бастайды. Қоғамда тұрмыстық зорлық-зомбылық азаю үшін қолымнан келгеннің бәрін жасаймын. Біз құтқару орталықтарын емес, бақыт үйлерін ашуымыз керек. Жүзге жуық әйелді қабылдайтын орталық үлкен, жарық әрі жайлы. Бізде жетекші мамандар психолог, заңгер, медицина қызметкерлері, тәрбиеші және оқытушылар жұмыс істейді. Барлық әйелді қалай құтқаруға болады? Ол мүмкін емес шығар. Мүмкін, бұл мәселеге қатысты қоғамның ойы мен көзқарасын өзгерткен дұрыс шығар. Зорлық-зомбылыққа жол жоқ, - деп жазды продюсер.

Баян Мақсатқызының айтуынша, орталыққа енесінің атын берген.

Оңалту орталығын Клара деп атадық. Бұл – күйеуімінің анасының есімі. Мен ол кісінің бізге көктен қарап, біздің игі бастамамызға батасын беретініне сенемін, - деді Баян Алагөзова.