$ 480.63 € 535.13 ₽ 5.27
Жақында 30-ға жуық тағам түрін қосамыз.
Димаш Құдайбергеннің қарындасы Раушан Құдайберген «Оян» бағдарламасына сұхбат беріп, қазіргі кәсібі жайлы айтты, деп хабарлайдыSkifnews.kz ақпарат порталы.
Жуырда Астананың төрінде ұлттық тағамдар ұсынатын «Дайдидау» мейрамханасын ашқан Раушан Құдайберген мейрамхана ашуға қатысты идеяны әкесі айтқанын жеткізді.
Мейрамхана ашу отбасылық идея десем болады. Ата-анамның, әсіресе, әкемнің тарапынан туған ой. Соны біз де ұнатып, қостап, қолдап кеттік. Бірден құрылыс жұмыстарын жүргізіп, бизнес саласының қыр-сырын меңгеруге ізденіс жасадық, - дейді Раушан Құдайберген.
Ол ашылғанына жарты жыл болған мейрамхана жұмысын өзі ұйымдастыратынын жеткізді.
Идея ортақ болғанымен, бас-аяғында өзім жүріп үйреніп кеттім. Барлық ұсақ-түйек шаруасына, ұйымдастыру жұмыстарына өзім араласамын. Әрине, негізгі шешімдер ата-анамнан болады. Бірақ күнделікті өзім бас-көз болып, ұжыммен сөйлесіп, басқарамын, - дейді Раушан Құдайберген.
Ол мейрамхана мәзірінде 66-дан астам тағам түрі бар екенін айтты.
Қазақ мәзірі, қазақ асханасы өте бай. Біз білмейтін мыңдаған тағам түрі бар. Оның бәрін түрлі этнографтар, ғалымдар зерттеген. Ал біздің мәзірде 66-дан астам тағам түрі бар. Жақында 30-ға жуық тағам түрін қосамыз, - деді ол.
