«Сүйіп өлтіріп қоямын ғой»: Нұрболат Абдуллин әйелімен видео түсіріп, елді елең еткізді

Әнші Нұрболат Абдуллин әйелімен бірге видеоға түсіп, көпшіліктің ықыласына бөленді, деп хабарлайды Skifnews.kz ақпарат порталы.

Шоу-бизнес өкілі видеоның астына ерекше жазба қалдырды.

«Сүйіп өлтіріп қоямын ғой», – деп жазды әнші желідегі парақшасында.

Видеодан әншінің келіншегін итеріп жібергені байқалады. Мұны көрген желі қолданушылары түрлі пікір білдіруде.

«Осы қызды алып ал», «Абайлашы бұның айыппұлы масқара», «Байқаусызда қағып кетіп, 500 мың айыппұл төлеп жүрмеңіз», «Әдемі жұп. Әйелі сүйкімді екен», «Осы кісілердің видеолары қиялға, әзілге толы», - деп жазды олар.

Айта кетейік, Нұрболат Абдуллин бүгінде Түркияда отбасымен демалуда.

Еске салсақ, бұған дейін әншінің әйелі оған жас қыздармен билегені үшін «айыппұл» салғанын жазғанбыз.