«Өмірден өтіп кететіндей күйде төсек тартып жатырмын»: Мақпал Жүнісова қазіргі жағдайын айтты

ҚР Халық әртісі Мақпал Жүнісова шулы видеосынан кейін әлеуметтік желіден көрінбей кетті. Бір аптадан кейін халықтың ерке қызы жеке парақшасында мұрағаттағы видеолар жариялап, оқырмандарымен сырласты, деп хабарлайды Skifnews.kz ақпарат порталы. 

«Өмірден өтіп кететін сияқты күйде төсек тартып жатырмын. Ешкімге тіл тигізген жоқпын, аман болыңыздар! Күз айы мен үшін депрессия. Осы айда қатты күйзеліске түсемін. Зәкеңнен айрылып, жаралы жүрек осы күнге дейін шерлі. Осы күнге дейін өлтірген адамды табалмай, халықтың алдында ешкімді ұстап бермеді. Сол ашылған күні тек айран ішер едім», – деп жазды әнші.