Өзіне ғана бұйырсын деп ең жақсысын алдық.
16 жасында тұрмысқа шыққан әнші Абай Бегейдің қызы Сымбаттың жасауы ел аузында әлі талқыланып жатыр, деп хабарлайды Skifnews.kz ақпарат порталы.
Өнер иесінің келіні Бәдинұр оқырмандарынан келген сұраққа жауап берді.
“Бәріне қызық болып жатқан бір сұрақ бар: Сымбаттың жасауына қатысты екен. Қызымызға әкесі-анасы, әжесі мен әпкелері болып аянбай бердік. Үйлену тойындағы сыйлаған көлікті есептемегенде 40 миллион теңгедей кетті. Өзіне ғана бұйырсын деп ең жақсысын алдық. Бастысы бақытты болсын”, – деп жазды қыздың жеңгесі.
Сондай-ақ жігіттің әкелген қалыңмалы да қызу талқыға түсті. Жігіттің жеңгесі “Ел қатарлы бердік” деп нақты сумманы жасырмақ болып еді, Сымбаттың жеңгесі жариялап қойды.
“Құдаларымызға Алла разы болсын. Ешкімнен артық та, кем де қылмай 3 миллион теңге әкелді”, – деп жазды блогер келіншек.
Фото: instagram.com/badinur_zhalgas
Еске салайық, өнер иесінің қызының жасауын көпшілік ысырапшылдық деп сынап жатқанын жазған едік.