Бағалы сыйлықтарын қонақтардың көзінше берді.
Алтынай Жорабаева ата-анасының алтын тойын дүркіретіп атап өтті, деп хабарлайды Skifnews.kz ақпарат порталы.
Әнші Instagram-дағы парақшасында дүбірлі тойдан видео жариялап, көпшілікке отбасылық қуанышы қалай өткенін көрсетіп, видео жариялады.
Туған інісі Талғат Жорабаевпен бірге ән шырқап, ата-анасын ресторан төріне алып шықты. Одан кейін әкесі, іні-бауырлары мен әулеттің күйеу балалары әншінің анасына гүл шоқтарын тарту етті. Тойға жиналған көпшілік той иелеріне ақ тілектерін жолдап, бағалы сыйлықтарын қонақтардың көзінше берді.
Алтынай Жорабаева барша ұл-қыздары, келіндері мен күйеу балалары атынан әкесіне Chery Tiggo 7 Pro автокөлігін, анасына италиялық шуба сыйлады.
«Алтын таққа лайықты асыл жандар,
Ұл-қызына ақыл боп шашылғандар.
Жетіпті Алтын тойдай асыл тойға,
Шаңыраққа ақ таң боп ашылғандар.
Бұйырыпты сіздерге осы бақыт,
Өміріңіз баға жетпес асыл ақық.
Тағы да 50 жылда бірге жүріп,
Болыңыздар отбасына алтын, жақұт», – деп өлең жолдарын арнады Жорабаева.
Шоу-бизнес өкілінің қуанышын көрген әлеуметтік желі қолданушылары ақ тілегін жаудырды.