«Халқымыз бәле-жаладан аулақ болсын!»: Димаш Құдайберген отандастарын Жаңа жылмен құттықтады (ВИДЕО)

Қазақстанның жарық жұлдызы, талантты әнші Димаш Құдайберген  қазақстандықтарды Жаңа жыл мерекесімен құттықтады, деп хабарлайды Skifnews.kz ақпарат порталы.

Әнші Instagram-дағы жеке парақшасында видео жариялады.

«Еліміз аман, жұртымыз тыныш болғай. Халқымыз бәле-жала, тіл-көзден аулақ болсын. Қайғы-қасірет, мұң дегенді бұдан әрмен естімейтін болсын. Келер жылға Алладан тек қана жақсылықты нәсіп етсін деп тілейік. Барлықтарыңыздың отбасыларыңызға ырыс-несібе, мол табыс тілегім келеді. Денсаулықтарыңыз мықты болсын. Жақындарыңыз ешқашан ауырмасын. Әлемде тыныштық болсын! Еліміздің, әлемнің әрбір тұрғынына бақытты, баянды, қызықты, қуанышқа толы ғұмыр тілеймін. Аман болыңыздар! Баршаларыңызды шын жүректен жақсы көремін! Жаңа жыл құтты болсын», — деді Димаш Құдайберген.