«Кетсең, кете бер» деген экс-күйеуім мені өзінен кете алмайтынын білді», - деп Аружан жан сырын ақтарды.
«Бір болайық» бағдарламасының қатысушысы, танымал блогер Аружан жеке өміріндегі қиындықтар туралы әңгіме өрбітті, деп хабарлайды Skifnews.kz ақпарат порталы.
Бұл туралы ол тележүргізуші Анара Батырханға берген сұхбаты барысында айтты.
Аружан қырғыз жігіті Аргенге тұрмысқа шығарда әкесінің бата бермей қойғанын жасырмады.
«Қырғыз жігітке күйеуге шығамын деп ешқашан ойламағанмын. «Бір болайық» бағдарламасында таныстық қой. Кейін үйлендік. Алайда әкем құптамады, батасын бермеді», - деді Аружан.
Ол тіпті, экс-күйеуі Аргеннің бір емес, екі рет «талақ бергенін» айтты.
«Кетсең, кете бер» деген экс-күйеуім мені өзінен кете алмайтынын білді. «Бір болайықта» жалдаған пәтерге қайта бардым. Пәтерімде отырып, әбден жыладым. Ол маған хабарлассын деп қаншама нәрсе жасадым», - деп Аружан жан сырын ақтарды.