«Барында бағалаңыздар»: Қайрат Нұртастың әкесі тыңдармандарын жылатты (ВИДЕО)

Қазақ эстрадасының жұлдызы Қайрат Нұртастың әкесі Нұртас Айдарбеков Instagram парақшасында әсерлі бейнежазба жариялап, көпшіліктің жүрегін елжіретті, деп хабарлайды Skifnews.kz ақпарат порталы.

Видеода Нұртас мырзаның жары — продюсер Гүлзира Айдарбекова да көрінеді. Жастық шағын еске алған ол гитарамен ән шырқап, бұл жолы ата-анасына арналған мұңды туындыны орындады.

«Бүгін әке-шешем есіме түсіп, ішкі сезімімді ән арқылы жеткізгім келді. Жандары жәннатта болсын. Ата-аналарыңыз тірі болса — қадірлей біліңіздер, жастар!» – деп жазды Нұртас Айдарбеков.

Желі қолданушылары бұл шынайы сәтке бей-жай қарамады. Көпшілігі жүректері елжіреп, көзіне жас алғандарын ашық жазды.