«Бір апта жүруге болмайды»: Қайрат Нұртастың балалары оқыс жағдайға тап болған

Жұлдыз Әбдікәрімова туған күнінде әбден әбігерге түскенін айтты. Айтуынша, тұңғышы мен кенжесі ауырып қалған, — деп жазады Skifnews.kz ақпарат порталы.

«Сезім волейбол ойнаймын деп қолын, Хан футбол ойнаймын деп аяғын ауыртып алды. Шүкір, қолының сүйектері сау. Тек сіңірлері тартылып қалған. Бір аптаға гипс салды, бас бармағы бір қалыпта болуы үшін. Хан доп тебемін деп байқамай асфальтты тептім дейді. Бұл жігіт шыдамды ғой, шіркін. Ауырса үнсіз ешкімге айтпайды да, білдіртпейді де. Шамасы келгенше өзін емдейді», — деп жазды актриса.

Төрт баланың анасы бір аптадан кейін дәрігерге қайта бару керегін жаза кетті.

«Гипс салдыртпадық себебі бір апта жүруге болмайды деген соң, баланы мүлдем қозғалыссыз қалдырғым жоқ. Бірнеше жерден шеміршектері созылып қалғандықтан осындай ыңғайлы «ортез» алдық. Енді бір аптадан кейін екеуін қайта травматологқа апарып, бір тексертемін», — деді ол.