«Әдеттегідей жасырын істеймін деген»: Баян Мақсатқызы күйеуінің бастамасына қолдау білдірген халыққа алғыс айтты

Продюсер Баян Алагөзова күйеуі, кәсіпкер Тұрсын Алагөзовке қолдау білдіріп жатқан көпшілікке алғыс айтты, деп хабарлайды Skifnews.kz ақпарат порталы.

Алагөзов өзі басшылық ететін компанияның 100 қызметкеріне Алматы қаласынан пәтер сыйлаған еді.

"Ол әдеттегідей жасырын істеймін деп ойлаған еді. Алайда мен бұл игі істі өзге кәсіпкерлер жалғастырса деген ниетпен жариялау қажет екенін айттым. Қоғам бұлай қолдау білдіреді деп ойламадық. Тұрсын әлі аң-таң болып отыр. "Мен тек мұқтаж жандарға қолдау көрсетіп, міндетімді атқардым" дейді. Баршаңызға алғысымды білдіргім келеді", – деді продюсер әлеуметтік желідегі парақшасында.