"Маған ренжіп қалыпты".
Танымал журналист Жанар Байсеміз белгілі тележүргізуші Жанат Бақытпен арада болған сұхбат жайында шындықты бөлісті, деп хабарлайды Skifnews.kz ақпарат порталы.
Ол өз ойын Qaz.Airan YouTube жобасына берген сұхбатында айтты.
«Маған ренжіп қалыпты. Шыны керек, ол сұхбатты жазғаныма біраз уақыт болды, бірақ еш жерде жариялаған жоқпын. Жақында әлеуметтік желіде маған қатысты бір жазба шығыпты. Сонда: “Сіз сияқты екіжүзді адамды көрген жоқпын” депті.
Мен оған түсіндіргенмін. Өйткені ол да тележурналистиканың маманы, біледі — тақырып әрқашан көз тартарлық болуы керек. Алайда ол тақырыпты ойдан құрастырмаймын, қиялымнан шығарып алмаймын. Барлығы айтылған пікірлер мен жағдайларға байланысты жазылады.
Оның сіңлісіне қатысты әлеуметтік желіде үлкен шу болған тақырыптар бар. Сен келгенде басқа дүниені күттің, ал ол ойыңдай шықпады. Сол үшін көңілің қалды. Жанат Бақыт маған қатты ренжігені сондықтан», — деді журналист.