«Қайраттың» жаңа жұлдызы Темірлан Анарбеков – Әли Оқаповтың жарының «туысы» болып шықты»
Әлидің айтуынша, матчтан кейін үйіне келгенде Ақеркесінің ерекше қуанып отырғанын байқаған.
2025 жылдың 27 тамызында қазақстандық танымал әнші Әли Оқапов пен «Илигай» тобының солисті, жұбайы Ақерке Бүркітбай бейнежазба түсіріп, елдің жаңа жұлдызына айналған «Қайрат» командасының қақпашысы Темірлан Анарбеков туралы пікір білдірді, деп хабарлайды Skifnews.kz ақпарат порталы.
34 жастағы Әлидің айтуынша, матчтан кейін үйіне келгенде Ақеркесінің ерекше қуанып отырғанын байқаған. Себебін сұрағанда, ол қысқа ғана: «Атырау, шеркеш» деп жауап беріпті.
«Кешегі «Қайраттың» қаһарманы, қақпашы Темірлан Анарбеков – Еркенің жерлесі екен. Тіпті бір рудан болып шықты», – деді әнші бейнежазбада.
Ал 32 жастағы Ақерке болса, жұбайымен бірге Темірланға қолдау білдіріп, ақ тілегін арнады:
«Кім болса да, қай рудан болса да, сондай бір ерекше мақтаныш сезімі оянады. Оның ата-анасының жүрегінде қазір қандай шаттық барын елестету қиын. Бүкіл қазақстандықтар қуанып, мақтанып отыр. Оған сәттілік серік болып, еңбегі лайықты бағалана берсін», – деді ол.
Сіздің реакцияңыз?
Серіктес жаңалықтары
