«Әйеліне обал ғой»: Танымал әзілкеш сегізінші баласын күтіп жүргенін айтты (ВИДЕО)

Танымал әзілкеш әрі блогер Ғалым Махамбет жұбайының сегізінші сәбиіне аяғы ауыр екенін жариялады, деп хабарлайды Sn.kz  ақпарат порталы.

Отбасы гендер-пати форматындағы видеоны әлеуметтік желіге жүктеп, көпшіліктің қызу талқысына түсті. Видеода ерлі-зайыптылар балаларымен бірге болашақ сәбидің УДЗ суретін көрсеткен. Желі қолданушылары бұл жаңалыққа түрлі пікір білдірді. Кейбір оқырмандар көпбалалы отбасыға таңданысын жасыра алмады.

Пікірлер арасында: «Ма, организмді де ойлау керек шығар, әйеліңізге обал ғой, демалдырмай не болды сонша», «Масқара, сонша бала туа беріп денсаулықты ойламай ма екен», «Балалар шаршадым деп жатыр, бір-бірінен-ақ шаршайтын ғой», – деген сыни пікірлер жазылған.

Ал енді бірі әзіл мен жылы лебізін арнаған. Олардың қатарында: «Рас болса, Алла ғұмырымен берсін», «Әсияға Аллам мықты денсаулық берсін», «Мен бала бақпаймын, өзі бала әлі», «Расул мен Дарын бөлек шығады-ау», – деген комментарийлер бар.

Тіпті әнші Гүлнар Мұрадимова да жазба астына күліп тұрған эмодзи қалдырып, «Жандарым» деп пікір білдірген. Желіде тараған видео аз уақыт ішінде жүз мыңдаған қаралым жинап үлгерді.