«Аппаратпен ғана қозғала алады»: Әнші Нұрлан Әміровтің жағдайы елді алаңдатты (ВИДЕО)

Тараған видеода әншінің арнайы аппараттың көмегімен ғана қозғала алатыны көрсетілген.

Коллаж: Sn.kz

Кезінде «Жұлдызым» әнімен көпшіліктің жүрегінен орын алған «Нұрлан мен Мұрат» дуэтінің әншісі Нұрлан Әміровтің қазіргі жағдайы әлеуметтік желіде қызу талқылануда, деп хабарлайды Sn.kz ақпарат порталы.

Тараған видеода әншінің арнайы аппараттың көмегімен ғана қозғала алатыны көрсетілген. Нұрлан Әміров құрылғыны денесіне тағып жүретінін айтып, онсыз жүре алмайтынын жеткізген. Сондай-ақ, денесіндегі отадан қалған тыртықты көрсетіп, өзіне күтім жасап жүрген жарына алғысын білдірді.

Желі қолданушылары әншіге қолдау білдіріп, тезірек сауығып кетуіне тілектестік білдіруде. Видео көпшілікті бейжай қалдырмады.

"Алла шипасын берсін", "Әйеліңізге мың алғыс", "Алла қуат берсін", "Ойбуй қиын болған екен", - деп жазды оқырмандар.

@kaisar_production 2000 жылдары қазақ эстрадасының ең жарқын жұлдыздарының бірі болған Нұрлан мен Мұраттың әндері талай тыңдарманның жүрегінен орын алды. Бүгінгі жастардың өзі олардың әндерін сүйіп тыңдап, бірге шырқап келеді. Бұл – нағыз өнердің өміршеңдігін көрсететін үлкен жетістік. Нұрлан ағам – сыйласқанға шынайы сый көрсете білетін, ағаны ағадай, бауырды бауырдай құшағына басатын, жаны аппақ, кең жүректі азамат. Осындай асыл жанмен сыйлас болғанымды мақтан тұтамын. Бүгінде жүрегіне кардиостимулятор қойылғанына қарамастан, өнерден қол үзбей, халықтың ортасында ән айтып, елге көтеріңкі көңіл күй сыйлап жүр. «Халықтың ықыласын сезініп, ән айтып жүрсем болғаны» деген ниеті – нағыз өнер адамына тән қасиет. Алла Тағала деніңізге саулық, ғұмырыңызға береке берсін! Ауырмай-сырқамай, ортамызда аман-есен жүріп, 100 жасқа дейін халқымыздың ықыласына бөлене беріңіз, Нұрлан аға!#қазақстан🇰🇿🔥 #rek #жаңаарқа ♬ оригинальный звук - Сейпішов Қайсар