Мәдениет & Шоубиз 27.09.2017 сағат 04:11  906

Талдықорғанда Ескелді бидің 325 жылдығына орай ақындар айтысы өтті

І.Жансүгіров атындағы мәдениет сарайында Ескелді Жылкелдіұлының 325 жылдығына республикалық ақындар айтысы өтті. Айтулы жыр додасы Елбасының «Рухани жаңғыру» идеясын жүзеге асыру аясында өтіп отыр. Сондай-ақ, бұл күні «Ерлігі мұра - Ескелді» атты республикалық ғылыми-тәжірибелік конференция да өтті.

Бөлісу
Бөлісу
Бөлісу

Конференция «Ер Ескелді» атты бейнефильммен ашылды. Мұнан соң жиынның ресми бөлігін облыс әкімінің орынбасары Жақсылық Омар ашты. Жиында М.Әуезов атындағы Әдебиет және өнер институтының бөлім меңгерушісі, филилогия ғылымдарының кандидаты Тақтар Әлібеков баяндама жасап, Ескелді бидің әулиелігі, көрегендігі, шешендігі, әділдігі, әскери істі жетік білетін шеберлігі, сыртқы саясатта да салмағы зор ірі қайраткерлігі жайлы кеңінен баяндады. Мұнан соң І.Жансүгіров атындағы Жетісу мемлекеттік университетінің оқытушысы, тарих ғылымдарының кандидаты, доцент Күлімкөз Сантаева жоңғар шапқыншылығы жылдарындағы Ескелді бидің ерлігі туралы сөз қозғады. Конференцияда Ескелді Жылкелдіұлының өмірі мен қазақ тарихындағы орны тақырыбында тағы бірнеше ғалымдар сөз алды.

Ұйымдастырушылардың ғылыми конференцияда жасалған баяндамалардың басы біріктіріп, арнайы жинақ шығармақ.

Жалпы мерейтойлық іс-шара конференция алдында Ескелді бабаның кесенесіне гүл қою рәсімімен басталған. Ескелді бидің 325 жылдық тойы түстен кейін Республикалық ақындар айтысымен жалғасты. Айтысқа халықтың ықыласына бөленіп жүрген Балғынбек Имашев, Айнұр Тұрсынбаева, Сара Тоқтамысқызы сынды суырып салма ақындаршақырылған.

Ескелдінің ерлігі мен билігін, көрегенділігін, тапқырлығын жырлаған ақындар жетісулықтардың ықыласына бөленді. Тартысты  айтыстың   бас жүлдесін Сара Тоқтамысова - Семей қаласынан, І орынды Жандарбек Бұлғақов - Алматы облысынан, ІІ орынды Айнұр Тұрсынбаева - Астана қаласынан, ІІІ орынды Сырымбек Сəрсембаев - Атырау облысынан, Ескелді Жылкелдіұлы атындағы арнайы жүлдені Талғат Мықи - Батыс Қазақстан облысынан иеленді. 5 ақын Жалғас Садыр, Арзыгүл Қайыңбек, Сырым Əуезхан, Балғынбек Имашев, Əсет Дүйсебаев белсене қатысқаны үшін ақшалай сыйлықпен марапатталды.

Оқи отырыңыз

‡àãðóçêà...

Соңғы жаңалықтар