Баян кімді бопсалап отыр? Танымал продюсер еліміздегі сот жүйесіндегі былықтарды ашамын деп қорқытты

"Дүйсенбі күні сот шешімін күтемін, егер ол әділ шешім болмаса, ал ол әділ болмайтын секілді, онда еліміздегі сот жүйесі туралы бар шындықты жайып саламын: сотқа түк бермей оны ұта алмау туралы айтамын. Атын айтпай тұра тұрайын, бірақ Бостандық аудандық сотының судьясы менің осы жазғанымды оқып, істі қайта оқып шығып, танысады деп үміттенемін. Сосын шешім шығаруға да асықпайтын шығар. Әйтпесе мен бұл істі көпке жария етіп, жоғары инстанцияларға әділдік үшін арызданамын. Өйткені, судьяның тым асығыс, дәлелдерге назар аудармай шешім шығаруы оған ақша төленіп қойды ма деген күдік тудырады. Бұл жазбаны амалсыз жазып отырмын, өйткені судья бірде-бір өтінішімізге жауап берген жоқ, келтірген дәлелдеріміздің бірде-бірін қарап көрген де жоқ", - деп жазды Баян Алагөзова өз парақшасында.

Продюсер нақты қандай іс туралы жазғанын көрсетпепті. Бірақ, бірер күн бұрын Баянның сужаңа қайынатасы Тұрым Алагөзовті "GALANZ bottlers" АҚ-ы сотқа берген болатын. Аталған компания Баянның күйеуі Тұрсынғали Алагөзовтің ажырасқан әйеліне тиесілі.

Ал, желі қолданушылары болса продюсердің бұл жазбасын ашық бопсалау деп айыптап отыр. Өйткені, соттың заңсыздығын білген кез-келген азамат оны заң органдарына хабарлауына міндетті. Ал, "әділ шешім шығармасаң артыңды ашамын" деп қорқытудың өзі заңмен қудалануы мүмкін.