$ 444.22 € 476.38 ₽ 4.82
«Жігіттер» тобының солисі Айдар Тұрғанбектің анасы Арыстағы зардап шеккен екі отбасыны үйіне алып келген. Бұл туралы әнші өз Instagram-парақшасында жазған.
«Анам барып екі отбасыны бала-шағаларымен үйге алып келіпті. Алла разы болсын анашыма. Бұны Instagram-ға салып отырғаным мақтаныш үшін емес. Бәріміз осылай 2-3 отбасыдан үйге алып келсек, үлкен көмек болар еді», - деді Айдар Тұрғанбек.
Сонымен қатар, ол Арыс оқиғасында зардап шеккен көп адамдардың көшеде отырғанын жазған.
«Көбісі көшеде отыр. Кешеден бері ұйықтамаған, жуынбаған, әбден шаршаған. Іске көшейік!», - деп жазды ол.
