«Жүруге шамам болмады»: Назима ауруханаға түсіп қалды (ВИДЕО)

Black Star лейблының әншісі Назима Жәнібекова (Назима) ауруханаға түсіп, Нұр-Сұлтан мен Алматыда өтетін концерттерін басқа күндерге ауыстырды, деп хабарлайды Tengrinews.kz. 

"Әлеуметтік желілерден неге жоғалып кеткенімді түсіндіргім келеді. Мені ауруханаға жатқызды, сондықтан Алматы мен Нұр-Сұлтандағы концерттерім 18 қазан мен 19 қазанға ауысты. Сондықтан мені түсінулеріңізді сұраймын. Сіздермен міндетті түрде кездесеміз...", - деді әнші Instagram желісіндегі парақшасында. 

Ол ауруханада кем дегенде 5 күн жататынын атап өтті. 

"Кеше достарым ауруханаға көтеріп апарды, өйткені жүруге шамам болмады", - деді Назима. 

Еске салсақ, 18 қыркүйекте Наzима алғаш рет "Отпускаю" әніне жеке клип шығарды. 

Назима Жәнібекова, Наzима лақап атымен танымал, хип-хоп жанрында өнер көрсететін қазақстандық әнші. Ол ТНТ телеарнасындағы "Песни" жобасынан кейін танымалдыққа ие болды.