Мәдениет & Шоубиз 11.11.2019 сағат 15:30

«Хайп пен пиар жасап жатты»: Түсіпбаева марқұм Жанарға ән арнаған жігіттерден жиіркенетінін айтты (ВИДЕО)

Сен шын мәнінде дос болсаң, бар да ақтық сапарға шығарып сал. Сивидің сұрауымен Жанарға жерлес әрі әпке болғандықтан, шетелден арнайы ұшып келдім.
Бөлісу
Бөлісу
Бөлісу

Отандық танымал әнші Меруерт Түсіпбаева Жанар Хамитованың өлімінен кейін оған ән арнап, бейнебаян түсірген әріптестері жайлы не ойлайтынын ашық айтты. Эстрада жұлдызы мұндай адамдардан жиіркенетінін жасырмады, деп жазады "Сенбілік серуен" бағдарламасына сілтеме жасаған KAZ.NUR.KZ.

Түсіпбаева марқұм әншіге өлең арнаған өнер иелері оның жаназасына келмегеніне шүйлікті.

"Жанар Хамитованың жерлеуіне қатыстым. Өнер адамдарынан Сиви екеуіміз ғана бардық. Негізі, ол туралы айтқым келмеген еді. Бірақ, сөз арасында өзі туып тұр. Жанар қайтыс болғаннан кейін бір ер азаматтар "Мен соған арнадым, Жанарға арнадым" деп, құдай сақтасын бір бейнеклиптер жасап, жазбалар қалдырып жатты. Мен сондай адамдардан жиіркенемін.

Сен шын мәнінде дос болсаң, бар да ақтық сапарға шығарып сал. Сивидің сұрауымен Жанарға жерлес әрі әпке болғандықтан, шетелден арнайы ұшып келдім. Заттарым Алматыға ұшып кетті. Мен өзім астанада қалып, Қарағандыға кеттім. Бір тәулік күтіп, Сиви екеуміз барып келдік.

Ал кейбір азаматтар, мемлекетте бола тұра ең соңғы ақтық сапарына шығарып салмай, артынан бейнеклип шығарып, хайп пен пиар жасап жатты. "Жақсы көріп едім, сүйіктім, досым еді" деді. Досың болса, еркек болсаң, ісіңмен дәлелде. Оны әйел жасаса мен үндемейтін едім. Бірақ, ер-азаматқа ұсақтық жараспайды" , - деді әнші.

Оқи отырыңыз

загрузка...

Соңғы жаңалықтар

Қызықты материалдар