24 қарашада жас вокалист Ержан Максимнің Қазақстан мен басқа да елдердегі жанкүйерлері Junior Eurovision-2019 байқауының финалына көз тігеді. Музыка шоуы Нұр-Сұлтан уақытымен 21.00-де "Хабар" телеарнасынан тікелей көрсетіледі.
Қазақстанның атынан Junior Eurovision-2019 ән байқауына қатысатын Ержан Максим Instagram-парақшасында финал күні өзіне қалай дауыс беруге болатынын түсіндірді.
Ержан Максимге дауыс беру үшін Junioreurovision.tv сайтына кіріп, сайыскерлер тізімінен оны және тағы екі өнерпазды таңдау керек. Содан кейін “Дауысты қабылдау”/”Дауыс беру” түймесін басу қажет.
Байқау көрермені екі рет дауыс бере алады: 23 қараша күні Junior Eurovision-2019 финалы басталғанға дейін және 24 қараша күні байқаудың барлық нөмірі орындалғаннан кейін жүргізушілер хабарлаған 15 минут аралығында.
Ержан Максим 19 сайыскердің арасында оныншы болып сахнаға шығады.