«Сонда тойлары болмай, жатып келген бе?»: жігітімен шетелге кеткен Төреғалидің қарындасы оңбай сыналды

Эстрада әншісі Төреғали Төреәлінің қарындасы Фариза Төреәліні жұрт оңдырмай сынап жатыр, деп жазады Skifnews.kz ақпарат порталы.

Фариза жақында ғана жігіті Дархан Нортаевпен шетелге барып келген болатын. Олардың бірге түскен суреттерін көрген желі қолданушыларының бірі: "Сонда тойлары болмай, жатып, бал айына барып келді ме?" деп жазса, енді бірі: "Әке-шешесі қайда қарап отыр?" - деп ашуға берілді.

Бұны оқыған Фариза ұзын-сонар қып желідегі парақшасына арнайы жазба қалдырды. 

"Жазғым келмеп еді, бірақ. Менің парақшамды әкем де, анам да, ағам да бәрі қарап отырады. Әрине, олар бәрінен хабардар. Ата-анамның рұқсатынсыз ештеме болмайды. Кішкентайымнан сондаймын. Көбісі шетелге барып келгенімізге "ата-анаң қайда қарап отыр.. т.б." сынды сөздер айтып, ерінбейтіндер тіпті дайректке жазып жатты. Үлкен хаттарын оқып шошисың, сонша уақытын маған арнап, мені түзегілері келеді. Өзгенің өміріне белсене араласқан ол адамдарға түзелу керек, керісінше.

Өзін тәрбиелеуге шамасы да, нәпсісі де жетпей жатып, өзгені өзгерткілері келеді, қызық. Мен өмірімдегі әр сәтті, әр оқиғаны әлеуметтік желіге салмаймын, салуға болады деген дүниені саламын. Бөліскім келмейтін жаңалықпен бөліспеймін. Менің ата-анам, ағам - көпті көрген кісілер. Маған жауапты, менің әр ісімді біледі, қадағалап отырады. Сол үшін де оларға артық сөз келгенін көтере алмаймын. Алланың алдында арым таза болса болды, басқалардың ойы қызықтырмайды.

Себебі, мені тәрбиелеген, жетілдірген менің ата-анам, мені толық танымайтын және мен танымайтындардың ақылы маған керегі жоқ. Ақылдылар өз өмірін жақсарту үшін өз ақылдарын қолдансын. Ал мен үшін, менің іс әрекетім үшін күйіп-пісудің қажеті жоқ. Әркім өзі үшін ғана жауапты, ертең есеп беретін де жалғыз өзі. Діндегі дұрыс-бұрыс нәрселерді білемін, сауатымды бұрыннан ашып бастағам, әлі де дамытамын.

Түрлі жалған парақшадан отырып алып жазатындарды түсінгім келмейді, түсінбей-ақ та қойсам екен. Олар жалғыз қалғанда өзгеден емес, өзінен ұялмай ма екен?.. Біреудің мінін түзегенше, өз бойыңызды арамдықтан тазалаңыз. Ниеті қисық жандарды бірден блоктаймын, себебі, маған тек жақсылық ойлайтын, ниеті таза оқырмандарым керек, бәрін бағалаймын! Жақсы тілек білдіретін жандарға алғысым шексіз, жақсы көрем", - деп жазды ол.