Әнші Ибрагим Ескендірдің кіммен жұдырықтасатыны анықталды

14 желтоқсан күні Мәскеуде Shamo Boxing промоутерлік компаниясының "Дерись и побеждай" атты кәсіпқой бокс кеші өтеді. Бұл шоуда қазақстандық боксшылар да жұдырықтасады, деп жазады Vesti.kz-ке сілтеме жасаған Skifnews.kz ақпарат порталы.

Осылайша, бірінші ауыр салмақта өнер көрсететін қазақстандық боксшы әрі әнші Ибрагим Ескендір (6-0, 6 КО) малавийлік Мусса Аджибумен (28-14-5, 24 КО) жекпе-жекке шығады. Бұл кездесуде IBA Asia белбеуі сарапқа салынады.

Сонымен бірге, бұл кеште рингке ауыр салмақта жұдырықтасатын Уалихан Бисенқұлов (9-1, 9 КО) ресейлік Иван Арацкийге (0-3) қарсы шығады. 

Ал 19 жастағы Лаура Есенкелді (0-1) кәсіпқой бокстағы екінші жекпе-жегін өткізеді. Оның қарсыласы - ресейлік Елена Выстропова.

Бокс кеші Мәскеуде өтеді.