Қазақстандық әнші Димаш Құдайберген Adagio World премиясының үздік үштігіне енді. Сыйлық тәуелсіз және аудиторияның дауысы негізінде беріледі, деп жазады Skifnews.kz ақпарат порталы.
Дауыс беру 25 қарашада басталып, кеше кешке аяқталды. Үміткерлердің қатарында Димаштан басқа, Лара Фабиан, Сара Брайтман, Хосе Каррерас сияқты танымал жұлдыздар болды. Сайтқа кіргендер әншілердің өнерін бағалап, орындауындағы әндерді тыңдап, дауыс берді.
Дауыс беру кезінде қазақстандық әнші екінші орында болды. Жетекшісі - Лара Фабиан. Бірақ, ресейлік әнші Сергей Дудинскийдің жанкүйерлері оны бірінші орынға шығарды. Нәтижесінде, Фабиан күміс, ал Димаш қола алды.
Дауыс беруге бүкіл әлем бойынша 2,2 миллион адам қатысты.
Еске сала кетейік, осыған дейін Димаштың Adagio World премиясына үміткер екенін, сайтқа кіріп дауыс беруге болатынын жазған едік.