Америкалық актер, сценарист әрі режиссер Стэн Кирш Лос-Анджелестегі үйінен өлі күйінде табылды. Алдын-ала болжам бойынша, ер адам өз-өзіне қол жұмсаған, деп хабарлады Fox News. Актердің қайтыс болғаны туралы ақпаратты оның жары Кристин Грин растады, деп жазады Хабар 24.
Фото: filmpro.ru
«Қымбатты достар, біз Стэн Киршті 11 қаңтарда қайғылы жағдайда жоғалтып алдық. Осындай қиын-қыстау кезеңде бізге түсіністік танытып, құрметтегендеріңіз үшін рақмет», - деп жазды жары актердің facebook парақшасында.
Актер Нью-Йоркте дүниеге келген. Төрт жасынан бастап телевизиялық жарнамаларға түскен. Ол 52 жасында қайтыс болды.