Мәдениет & Шоубиз 24.02.2020 сағат 23:50

Үнді кинокомпаниясы Қазақстан жерлерінде көркем фильм түсіріп жатыр

Түсірілімінде Болливудтың өкілдері жүрген фильм 130 минуттан тұрады. Киноның премьерасы алдағы маусым айында болмақ. Қазақ тілінде субтитрмен де шығады.
Үнді кинокомпаниясы Қазақстан жерлерінде көркем фильм түсіріп жатыр
Бөлісу
Бөлісу
Бөлісу

Үндістанның кинокомпаниясы елімізде толық метражды фильм түсіріп жатыр. «Жалынды қанаттар» деп аталатын киноның бір бөлігі Алматыда таспаланған. Түсірілім жұмыстары бүгін елордада «Хабар» агенттігінің студиясында жалғасты, деп хабарлайды «Хабар 24».

«Жалынды қанаттардың» кей бөлігі Женева мен Санкт-Перебургте түсірілген. Күні кеше Алматыда да таспаланды. Фильмдегі қауіпті трюктерді өзіміздің каскадерлер орындаған. Түсірілім жұмыстары Үлкен Алматы көлінде, Медеу, Шымбұлақ, Үшқоңырда жүргізілді. Кинокомпания өкілдері мен артистер бүгін елордадағы Қазмедиа орталығына келді.

Фильмнің жанры – экшн. Режиссері – Навин Мохаммед Али. Кинода әйгілі Арун мен Энтони Виджайлар, тіпті, аты аңызға айналған үндістандық актер Камал Хасанның қызы Акшара Хасан ойнайды.

«Фильм желісі бойынша басты рөлді сомдайтын қыздың әкесі Үндістаннан, анасы Қазақстаннан болады. Сондықтан да киноны осы жақта түсіріп жатырмыз. Оның үстіне біздің елдегі телеарналардың студиялары дәл сіздердікіндей камера, құралдармен қамтамасыз етілмеген. Ал қазақстандық әріптесіміз Майра Карсақбаева бізге «Хабардың» дамыған, әлеуетті агенттік екенін айтты. Яғни, бұл киномызға салмақ береді.

Бұдан бөлек, табиғатын көріп, Алматыға қатты ғашық болдым. Тау да, көл де жетеді. Сондықтан елдеріңізде түсірілім жасауды жөн санадық. Реті бойынша бұл біздің 23-ші фильміміз. Түсірілім жұмыстарымен бізге қазақстандық кинокомпания көмектесіп жатыр», - деді фильмнің продюсері Тхирунавукарасу Сивалингам.

«Ерлан Бекқожинмен кездестік. Сол кісі қолдады. «Хабар» «Хабар» болып қалады, Шымбұлақ «Шымбұлақ» болып қалады киноның ішінде. Енді келесі ойымыз – «Астана операда» түсіру», - дейді кинокомпания директоры Майра Қарсақбаева.

Түсірілімінде Болливудтың өкілдері жүрген фильм 130 минуттан тұрады. Киноның премьерасы алдағы маусым айында болмақ. Қазақ тілінде субтитрмен де шығады. Тіпті, дубляж жасалып, қазақстандық арналарға берілуі де мүмкін.

Айта кетсек, Үндістан – киноның дамыған жері. Мәселен, тек 2018 жылдың өзінде Болливуд 1800 фильм түсірген. Ал бұл бағытта Голливудтың жылдық көлемі – 500 кино. Яғни, сұраныс көп. Сұраныс болған соң Қазақстанда түсірілген фильм де кеңінен таралады дейді мамандар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар