Талдықорғанда жер үйдің ауласынан 500 мыңға жуық бетперде табылды

Талдықорған қаласында 500 мыңға жуық медициналық бетперде тәркіленді, деп хабарлайды Sputniknews.kz, Алматы облысы полиция департаментіне сілтеме жасап.

Баспасөз қызметінің мәліметінше, Талдықорғандағы жер үйлердің бірінің ауласынан 250 қорапқа салынған медициналық бетперде табылды. Әр қорапта шамамен 1800-2000 дана маска болған.

Полицияның болжамынша, күдікті тауарды тиеп, одан әрі жөнелтуге дайындаған.

"Беркут-162" патрульдік экипажы аулаларды аралау барысында жасырын  қойманы байқаған. Оқиға орнына жедел-тергеу тобы шақырылды. 1960 жылғы жұмыссыз азамат ұсталды", - деді Талдықорған қаласы полиция басқармасының басшысы Асқар Нұрсапа.

Қазір алдын ала тергеу жүргізілуде.Тергеу барысында медициналық маскалардың қайдан шыққаны, кімге тиесілі екені және қайда тасымалданбақ болғаны анықталады.