Мәдениет & Шоубиз 13.09.2020 сағат 00:15

Ерке Есмаханға «Қайда» әнін сатқан композитор ең жоғары табысын жасырмады

«Бүгінде әнімді орындап жүргендер қатарында Қайрат, Ерке, Мөлдір Әуелбекова, Гүлнұр Оразымбетова, Мәдина Сәдуақасова, өнердегі достарым бар», - дейді композитор.
Ерке Есмаханға «Қайда» әнін сатқан композитор ең жоғары табысын жасырмады
фото: youtube.com
Бөлісу
Бөлісу
Бөлісу

Ерке Есмаханға әнін сатқан композитор Диана Исмаилова Аман Тасығанның TalkLike жобасына сұхбат беріп, өз табысы туралы ағынан жарылды, деп хабарлайды KAZ.NUR.KZ.

«Мен өзімді композитор деп айтпаймын. Елдер айтып жүр. Мен «Қазақстан дауысы» деген жобаға студент кезімде қатыстым. Содан кейін ән жазу керек болды... «Қайда» атты әнімді Есен деген Төреғалидің әндерін жазған аранжировщикке алып бардым. Ол «мынау күшті ән сияқты» деді. Дауысымды жазып, «әрі қарай дамыта бер» деп тастап кеттім», - деп есіне алды Диана.

Көп ұзамай, оған Еркенің өзі хабарласқан.

«Сөйтіп, екі-үш күннен кейін Есен звондап тұр. «Ерке деген әншіні білесің бе, сол сенің әніңе ғашық болып, сұрап жатыр, бересің бе?» деді. Ойланып қалдым. Ерке звондады. Анаммен ақылдастым. Шетелге оқуға ақша қажет болғасын Еркеге беруге тура келді, солай композитор болдым. Мың доллар көлемінде сатып жібердім, сол кезде 300 мың теңгедей болды. Содан кейін композиторлыққа мамандық ретінде қарай бастадым», - дейді ол.

Диана ең қымбат әнін Қайрат Нұртасқа сатыпты.

«Ең қымбат әнім – 3000 долларға Қайрат Нұртасқа сатылған «Қайран күндер» деп аталатын ән. Бүгінде әнімді орындап жүргендер қатарында Қайрат, Ерке, Мөлдір Әуелбекова, Гүлнұр Оразымбетова, Мәдина Сәдуақасова, өнердегі достарым бар», - дейді композитор.

Әншілік қырымен де танылып жүрген Диана тойларда ән шырқауды ұнатпайтын болып шықты.

«Тойға шақырады, бірақ, аса барғым келмейді. Тойға барып ән айтқаннан іштей біртүрлі боламын. Үлкен сахнаны армандаймын», - дейді ол.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар