Мәдениет & Шоубиз 23.09.2020 сағат 16:20

«Aнама бірден ұнады»: Айжұлдыз Адайбекова анасымен күйеуінің қалай танысқанын айтты (ВИДЕО)

Қыран Талапбек Жанар Айжановаға күйеу бала болатынын сезген бойда өзін аздаған қорқыныш сезімі жаулағанын жасырмады. Блогердің достары оған жұлдызды енесінің сериалдағы өткір рөлдерінен үзінділер жіберіп, үрейін одан бетер күшейте түскен.
Бөлісу
Бөлісу
Бөлісу

Жақында ғана отау көтерген белгілі видеоблогер Қыран Талапбек пен сүйіктісі Айжұлдыз Адайбекова алғаш рет бірге эксклюзивті сұхбат беріп, қарым-қатынастары қалай өрбігенін айтып берді деп жазады KAZ.NUR.KZ НТК арнасындағы "Ревю" бағдарламасына сілтеме жасап.

Қыран Талапбек Жанар Айжановаға күйеу бала болатынын сезген бойда өзін аздаған қорқыныш сезімі жаулағанын жасырмады. Блогердің достары оған жұлдызды енесінің сериалдағы өткір рөлдерінен үзінділер жіберіп, үрейін одан бетер күшейте түскен.

Алайда, жігіт сезіміне сенімді болған соң, ғашығы үшін бәріне дайын еді.

Белгілі болғандай, Қыран Талапбек пен Айжұлдыз Адайбекова үш жыл бойы кездесіп, оны қалың көпшіліктен жасырып жүрген. Сонымен қатар, қос ғашық ата-аналарымен бір жыл өткеннен кейін танысып алған.

Видеоблогер болашақ енесімен алғаш кездесуін есіне түсіріп, ол күні орын алған қызықтармен бөлісті.

"Мені ауызашарға шақырды. Бір сағат бұрын барып алдым. Бірақ, кіруге бата алмай тұрдым. Ауыз ашатын уақытқа қарай, басқалармен бірге кіремін деп шештім. Өзімді іштей дайындап келдім. Қазір сұрақтың астына қаламын-ау деп ойладым. Ең қызығы, ондай ештене болған жоқ. Емін-еркін отырдық. Тамақ жедік. Тойып үйге қайттым.

Ал достарым болса, ол кісі туралы айтып қорқытып тастады. Бірақ, не болса да бәріне төтеп беруге дайын болдым. Сөйтсем, шын өмірде ол кісі мүлдем басқа адам болып шықты. Сіздер экраннан көретіндеріңіз бар болғаны образ. Мен Айжұлдызға үйленуге ұсыныс жасағанымда ол кісі үш минуттық бата жіберді" , - деді ол.

Айжұлдыз Адайбекова да ғашығын анасымен таныстырған күннен есінде қалған жайттарды ақтарды.

"Мен білетін Қыран мүлдем жоқ болып кеткен. Әдетте, ашық әрі еркін жүретін жігітім алтыншы сыныптың оқушысы секілді тұрып алды. Қолында торты мен гүлі бар. Кәдімгідей дайындалғаны көрінді. Негізі ол анама бірден ұнады. Көрмей тұрып та, оған суреттерді көрсеткенде ол "жүзі жылы бала екен" деп айтқан болатын" , - деді қалыңдық. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар