Мәдениет & Шоубиз 30.09.2020 сағат 12:00

«Қатыннан қатынның артықшылығы...»: Сәбит Әбдіхалықовтың жазбасына көпшілік елең етті

Бірі оның пікірімен келіссе, енді бірі ер кісілердің сөзінде тұрмайтынын жазып, ренішін жеткізді.
«Қатыннан қатынның артықшылығы...»: Сәбит Әбдіхалықовтың жазбасына көпшілік елең етті
фото: qazbrand.info
Бөлісу
Бөлісу
Бөлісу

Танымал актер Сәбит Әбдіхалықов желідегі парақшасына ой саларлық жазба жариялады. Оның әсіресе, Төле бидің айтқан сөзін желіге жариялағаны көпшілікті назарын аударды, деп хабарлайды Skifnews.kz ақпарат порталы. 

"Төле би айтқан екен: "Жылқыдан жылқының артықшылығы етінде де емес, жүзден жүйрік  мыңнан тұлпарлығында да емес, түбінде біз оны жейміз. Сондықтан бір-ақ асым еті артық. Ал қатыннан қатынның артықшылығы сұлулығында емес, тұла бойында да емес. Сұлу болсын болмасын, əр қатынның өзіне жарасымды қылығы болады. Сондықтан қылығы артық.

Ал жігіттен жігіттің артықшылығы, ол мыңды басқарған батыр болсын, қол басқарған қолбасшы болсын, ел басқарған хан болсын, артықшылығы онда емес. Ер жігіттің артықшылығы бір-ақ ауыз сөзінде, егер сол сөзінде тұра білсе" деген екен...", - деп  жазды актер.

Осы орайда, үш рет отбасын құрған өнер иесінің бұл жазбасын оқырмандары қызу талқылады. Бірі оның пікірімен келіссе, енді бірі ер кісілердің сөзінде тұрмайтынын жазып, ренішін жеткізді.

Мәселен: "Тух, шіркін сөзінде тұрса қанекей!","Сөзімізде тұрып жүрейікші дейсің ғой", "Бірақ кейбір ерлер сол әйелдеріне берген бірауыз сөзінде тұра алмайды", "Керемет теңеу", "Тауып айтқан", - деп пікір жазушылардың қарасы қалың.

Естеріңізге сала кетейік, бұған дейін Сәбит Әбдіхалықовтың үшінші әйелі ұл туғанын хабарлағанбыз.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар