Мәдениет & Шоубиз 25.11.2020 сағат 10:00

Тұрсынбек Қабатовтың басы тағы дауға қалды

Ол көмекшісі көлік сұрағанын айтты.
Тұрсынбек Қабатовтың басы тағы дауға қалды
Бөлісу
Бөлісу
Бөлісу

Бұған дейін адам қақты деген күдікке ілінген Тұрсынбек Қабатовтың көмекшісі тағы да көлік тізгініне отырды. Полиция оны мас күйінде көлік басқарып, жылдамдық асырғаны үшін ұстаған.

Ол белгілі әзілкештің әйелі Мөлдір Мұқанованың 2019 жылғы Cadillac Escalade көлігін басқарған, деп хабарлайды "Көкшетау Азия".

2019 жылдың 13 қазанында Ақмола облысындағы елді мекен тасжолында жол апаты болды. Алған жарақат салдарынан 34 жастағы Ерлан Омарқұлов көз жұмды. 

Кейін көлік Тұрсынбек Қабатовқа тиесілі екені туралы ақпарат шықты. Алайда оқиға болған күні рөлде әзілкештің көмекшісі отырған. Кейін әзілкеш ақпаратқа түсініктеме берді.

Ол көмекшісі көлік сұрағанын айтты. Оның жүргізуші куәлігін бұған дейін көргендіктен, көлік кілтін берген.

"Сол жерде болмасам да, "көлік сенікі ғой" деп кінә тағып жатқандар болса, кешірім сұраймын. Бірақ көліктің ішінде болған емеспін. Сіздерге айтарым осы", – деді Тұрсынбек Қабатов.

Осы оқиға салдарынан ұлынан айырылған ана істің әділ жүргізілмегенін айтқан болатын.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар