$ 447.4 € 477.55 ₽ 4.76
Танымал спортшы қызы Сәбина Алтынбекова тұрмысқа шықты, деп хабарлайды Skifnews.kz ақпарат порталы.
Ол сүйіктісімен шариғат бойынша некесін қидырған. Волейболшы қыз өміріндегі маңызды сәтінде түскен суретін әлеуметтік желідегі парақшасына жүктеді.
Суреттің астына: "Бұл жылды ең керемет ер адамның әйелі ретінде аяқтаймын", - деп жазды ару.
Сәбина Алтынбекованың бұл әрекетіне таңданған желі қолданушылары оның құттықтап, ақ тілектерін жазып жатыр.
Естеріңізде болса, бұған дейін "Найман" лақап атымен танылған атышулы спортшы Қуат Хамитов Сабина Алтынбекованы ұнататынын және оның жүрегін жаулап алғысы келетінін айтқан еді.
