«Әлем ханымы» қазақстандықтарға алғыс айтты

Қазақстандық әнші Қайрат Нұртастың әйелі, актриса Жұлдыз Әбдікәрімова «Әлем ханымы-2020» байқауында жеңіске жеткені үшін халыққа алғысын айтты, деп жазады stan.kz.

Бұл туралы Инстаграмдағы байқау парағында хабарланды.

Бұған дейін Әбдікәрімованың өзі халықаралық байқауға қатысатынын мәлімдеген. Күні кеше Жұлдыз ханым байқаудың жеңімпазы атанды.

"Бұл тек сыртқы ғана емес, ішкі сұлулықтың, ақыл-ойдың үйлесімін көрсетуге, нәзік рухани әлемді ашуға мүмкіндік беретін жарыс. Іс-шараның басты мақсаты - бүкіл әлемдегі әйелдерге қолдау көрсету. Пандемияға байланысты биыл байқау онлайн режимінде өтеді", - деп жазды Жұлдыз желтоқсанның басында.

Дауыс беру желтоқсанның 1 мен 24 аралығында өтті.

Miss Universe - бұл жыл сайынғы және беделді халықаралық сұлулық байқауы. Оған әлемнің барлық елдерінен 18 мен 55 жас аралығындағы әйелдер қатысады.