Мәдениет & Шоубиз 07.08.2021 сағат 22:23

«Бірге жыладық, бірге көрдік»: Әнші Қарақат кенже қызына ерекше хат арнады

Ол сезімнің ащы дәмін екеуіміз ғана таттық.
«Бірге жыладық, бірге көрдік»: Әнші Қарақат кенже қызына ерекше хат арнады
Фото: ашық дереккөзі
Бөлісу
Бөлісу
Бөлісу

Әнші Қарақат Әбілдина алтыншы сәбиін қандай қиындықпен дүниеге әкелгені жайлы айтты.

Коронавирус өршіп тұрған кезде қызды болған әнші кенжесіне жантебірентерлік жазба қалдырды, деп хабарлайды Caravan.kz медиа порталы. 

"Аласапыран кезде дүниеге келген ботам менің!
Сен құрсағымда жатқан кезде анашыңа оңай болған жоқ. Аты өшкір індет жағалай жалмап, жақсыларымыздан айырып, үрейімізді қашырды.
Ешқайда шықпай үйде отырған бізді де айналып өтпеді.
Дәм сезбей, тынысым тарылып тұншыққан кезде өзімді емес сені ойлап, сені уайымдадым.
Қапияда Анашымнан айрылып қайғыдан қарыс айырылған сәтте де жүрегің менімен бірге соқты.
Бірге жыладық, бірге көрдік. Ол сезімнің ащы дәмін екеуіміз ғана таттық.
"Үйде бола бер", "Поликлиникаға келме" "қауіпті" – деген дәрігерімнің сөзінен кейін сенің денсаулығыңа алаңдай бердім.
Қарақат Әбілдина: УЗИ "ұл" дегенде бірден қабылдау оңай болмады
Жаман ойдан сақтандым. Жаратқанымнан жарылқау тілеумен болдым.
Сол кезде "огород" еккеніміз қандай жақсы болған. Көп уақытымыз бақшамызды қызықтаумен өтіп жатты. Жемістердің піскен уақыты ғой.
Ұлдар арам шөбін жұлып, суғарса, Аялёка екеуіміздің жұмысымыз піскен жемістерді жинау болды.
Кезек қызанақтарда. Томардай-томардай помидорларды жинап болып қалғанымыз сол еді "шығамын" – деп белгі бердің. Содан қызанақ теріп жүріп огородтан роддомға кеттік.
Көп ұзамай Алла маған сендей тәтті қыз сыйлады. Сен көп жасайтын, бақытты қыз боласың!
"Екі түйіншектен аман шыққан ерекше қыз, батыр қыз келді!” – деген дәрігерлердің дауысы әлі құлағымда жаңғырып тұр. Әумин.
Аман-сау бөпемді көріп, құшағыма алған сәтте жанарымнан жас тамшылай берді. Бұл жолы қуаныштың жасы еді.
Солай қызым, қызғалдағым, қып-қызыл піскен қызанағым", – деп жазды Әбілдина.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар