Мәдениет & Шоубиз 18.01.2022 сағат 16:00

«Ешқайсысы ұнамады»: Роза Рымбаева өзіне сөз салғандар туралы айтты

Роза Рымбаева марқұм жолдасы мен онсыз өткен күндерін еске алды.
«Ешқайсысы ұнамады»: Роза Рымбаева өзіне сөз салғандар туралы айтты
Фото: stan.kz
Бөлісу
Бөлісу
Бөлісу

Роза Рымбаева жеке өмірі туралы сөз қозғады. Әнші екінші рет тұрмыс құру туралы ойламағанын, ешкімге көңілі түспегенін айтты. Халық әртісі еш жерде айтпаған сырын бөлісті. 

Роза Рымбаева марқұм жолдасы мен онсыз өткен күндерін еске алды. Тағдыры мен шығармашылығы жайлы сөз етті.

Роза Рымбаева жолдасы Тасқын Оқаповтан айырылған соң екінші рет тұрмыс құрған жоқ. Әнші ондай мақсаттың да болмағанын айтады. Ал кездескен адамдары көңілінен шықпаған. 

“Мен ешқашан екінші рет күйеуге тисем, балаларыма әке тапсам деп ойламаппын. Кейбіреулер балаларға әке керек деп ойлайтын шығар. Бірақ мен мүлде олай ойламадым. Екі баланы өсірсем, жеткізсем, солар ауырмаса деп қана алаңдадым. Кездескен ер азаматтар көп болды. Сөз салғандар көп еді, бірақ көңілімнен шықпады. Біреуінің сөзі, біреуінің мінезі, ешқайсысы ұнамады. Оның үстіне өзім де тұрмыс құрам деп жоспарламадым”, – дейді әнші. 

Балалары қарсы болмағанымен, олардың ішкі қарсылығын да сезгендей. 

“Мәди айтатын. “Әрине, құқығы бар. Бірақ мен қаламаймын” деп. Қарсы болмас еді, бірақ мен оларға басқа әке болғанын қаламадым. Ешкімге сенбедім. Жүрегіме жақын қабылдамадым. Тек өзіме сендім”, – деді халық әртісі. 

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар