$ 444.22 € 476.38 ₽ 4.82
Әлеуметтік желіде Қайрат Нұртастың ән кешінде белгісіз біреу әншінің көзілдірігін шешіп алғаны көрсетілген видеолар тарады.
Белгілі әнші Қайрат Нұртас батыс өңірінде ән кешін өткізіп жүр. Әнші бұл туралы өзінің Instagram-парақшасында жариялады.
"...ауа райының қолайсыздығана байланысты көлікпен шығуға тура келді. Ақтау бүгін кешке кездескенше", - деп жазды ол желіде.
Дәл осы концерттердің бірінде белгісіз біреу әншінің көзілдірігін шешіп алған. Бұл кадр Instagram-дағы zello_aktobe.04 парақшасында жарияланған. Жазбаға түрлі пікір жазылған.
Жақында OLX-те сатады.
Жейдесін де шешіп алу керек еді.
Енді OLX-ке тәуір ақшаға шығарады.
Кроссовкасын алуға үлгермей қалды.
Көп ұзамай KN көзілдірігі деп сатылымға шығатын болар.
Қайрат шошып қалды-ау.
Қайрат Нұртастың өкілі бұл оқиға Ақтөбедегі концертте болғанын айтты.
"Концерт Ақтөбеде болды. Халықтың ортасына фотоға түсуге шыққан. 1000 долларға алынған көзілдірік еді. Жағдай резонанс туғызды", - деді ол.
Оның айтуынша, ұрлаған адам қашып бара жатқан жерінен көзілдірікті қайтаруына тура келген.
"Қайтарып алдық. Бәрі жақсы. Қашып бара жатқан жерінен қайтарып алдық", - деді ол.
Ал белгісіз адамның мақсаты ұрлау болған ба деген сұраққа әншінің өкілі былай деп жауап берді:
"Иә. Ол жалғыз болған жоқ. Басқа ештеңе ұрланбады. Бәрі жақсы", - деді ол.
Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.
