Мәдениет & Шоубиз 17.08.2022 сағат 03:50

Ресейлік әртістер Димаш Құдайбергенді «сатқын» деп айыптады

Ресейде Димашқа деген көзқарас біржақты емес.
Ресейлік әртістер Димаш Құдайбергенді «сатқын» деп айыптады
Фото: ашық дереккөз
Бөлісу
Бөлісу
Бөлісу

Ресейде Димашқа деген көзқарас біржақты емес. Қазір де солай болып жатыр, деп жазады Caravan.kz медиа порталы.

«Құдай сүйген әнші»

Бір жыл бұрын желі қолданушылары Ресейдің танымал эстрада әншісі Лариса Долинадан Димаш туралы сұрады. Әнші бірден жауап берді.

«Димаш шексіз талантты, Құдай сүйген. Жасы ұлғайған сайын, ол тәжірибе жинайды, шаршайды және жаңа рухани және жүрек ноталары пайда болады деп ойлаймын...», — деді Долина.

«Димаштың таланты Ресейге сәтті экспортталды»

Белгілі ресейлік әнші Валерия Димаш Құдайбергеннің жетістігі туралы жылы лебізін білдірді.

«Димаштың жолы Қытайда сәтті басталды және сол қарқынды осында экспорттадық деп айтуға болады және лайықты түрде. Дарынды жас, ерекше дауысы бар», - деді Валерия ресейлік ойын-сауық арналарының бірінің тілшісінің сұрағына жауап бере отырып.

Димаштан барлық ресейлік әртістер бас тартты ма?

Отандасымыз Игорь Крутоймен тығыз жұмыс істеп, орыс сахнасын бағындырғаннан кейін, ондағы жұлдыздар оның жұмысын мұқият қадағалай бастады. Олардың көпшілігі қазақстандықтың таланты туралы мақтанышпен айтты, ал одан да көп адам оның әлеуметтік желілердегі табыстары мен жетістіктерін бақылап отырды және үнемі өз пікірлерін білдіріп отырды.

Алайда, медиада Димаштың Крутой мырзамен қарым-қатынасының бұзылуы туралы қауесеттер пайда бола бастағаннан кейін, ресейлік эстраданың барлық атақты адамдары әлеуметтік желілерде қазақстандықтан жаппай оқырман болуынан бас тарта бастады. Олардың қатарында Филипп Киркоров, Николай Басков, Лариса Долина, Стас Пиеха, Юлия Савичева, Полина Гагарина, Доминик Джокер және т.б. бар.

Кейбір ресейлік БАҚ осылайша «ресейлік жұлдыздар Димаш Құдайбергеннен бас тартты» деп мәлімдеген. Дегенмен, бұл жаңалық қандай да бір қауесет болған сыңайлы.

«Димаш Ресейдің оған қандай жақсылық жасағанын ұмытып кетті»

Димаш Құдайбергенді Ресейлік БАҚ жазғырып, оны «орыстарды жек көруші» деп айыптады.

Globalmsk.ru басылымы Крутой көптеген талантты орындаушылардың жолын ашқанын жазады. Ол оларға тек сахнаға жолдама ғана емес, сонымен бірге хитке айналатын әндерін де берді. Оның жаңа «фавориттерінің» бірі қазақстандық әнші Димаш Құдайбергенов болғанын жазды.

«Алайда, жас орындаушы Игорь Крутой мен Ресейдің оған қаншалықты жақсылық жасағанын ұмытып кетті. Келесі концерттік турына ол Ресейдің бірде бір қаласын қоспаған. Ол «арнайы әскери операция» (Украиндағы соғыс) туралы ешқандай пікір білдірмеді. Бірақ, ресейлік журналистердің пікірінше бұл русофобия (орыстарды жек көрушілік) болып саналады екен.

Танымал продюсер Дмитрий Ашуров журналистердің пікірін қолдайды. Ол көрші елдердің көптеген орындаушылары ресейлік әріптестерінің олар үшін қаншалықты көп істегенін ұмытып кеткенін атап өтті. Димаш өз отандастарынан бөлінгісі келмеді, сондықтан олардың русофобиялық ұстанымын қолдауға шешім қабылдады. Ашуров Қазақстан әрдайым Ресейден көмек сұрап, қиын уақытта батыс жағына шыққанына өкініш білдірді», - делінген басылымда.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар