Әдебиет және өнер - Жаңалықтар. Қазақстанның жаңалықтары. Skifnews.kz ақпараттық портал

Әдебиет және өнер

«Махаббат шайыры» Исраил Сапарбаев Ж.Шанин атындағы облыстық академиялық қазақ драма театрында шығармашылық кешін өткізді. Айтулы кеш ел Тәуелсіздігінің 25 жылдық мерейтойына арналып отыр.

Қарашаның 9 күні Оңтүстік Қазақстан облыстық облыстық орыс драма театрында Қазақстан Республикасының Мәдениет қайраткері, Оңтүстік Қазақстан облыстық опера және балет театрының әртісі Үралхан Сейлбекованың концерті өтті.

Оңтүстік Қазақстан облыстық «Отырар» ғылыми-әмбебап кітапханасында жазушы, Халықаралық жазушылар одағының мүшесі, белгілі журналист Қайырғали Медеттің 60 жылдық мерейтойына арналған «Қарымды қаламгер, жалынды журналист» деген тақырыпта оқырмандармен кездесу кеші өтті. Іс-шара ел Тәуелсіздігінің 25 жылдық мерейтойына орайластырылған.

Облыстық орыс драма театрында аймақтық Қазақ романсиадасы романс орындаушыларының дәстүрлi байқауы өттi. Биыл айтулы шара ел Тәуелсіздігінің 25 жылдық мерейтойына арналып отыр. Ән фестивалiн облыстық мәдениет басқармасы, облыстық «Южный Казахстан» газетi редакциясы және облыстық славян ұлттық мәдени орталығы ұйымдастырды.

 

Сары жапырақ – дiр етер қыз мұң,
Мен-дағы сондай суретi ем күздiң.
Алай да дүлей шыр айналдырған,
Тағдырымыз да бiр екен бiздiң.

Бұл – қаламынан мұң мен сыр аралас жыр төгiлген Дәурен Айманбетовтiң өлеңiнен үзiндi. Оқырмандарының ыстық ықыласына бөленiп жүрген бұл ақын өңiрiмiзге ғана емес, республикамызға танылып үлгердi. Жуырда Шымкенттегi А.Пушкин атындағы облыстық әмбебап ғылыми кiтапханасында Дәурен ақынның «Сары жапырақ – сарғайған жүрек» атты оқырманмен сырласу кешi өттi.

Ел Тәуелсiздiгiнiң 25 жылдығына арналған жүздесуде жазушы Мархабат Байғұт жас қаламгердiң шығармашылығын жоғары бағалады.

– Ақсақал ретiнде соңымыздан ерген жастардың қадамын бақылап жүремiн. Солардың арасында Дәуреннiң шығармашылығымен жақсы таныспын. Өлеңдерi «Қазығұрт» журналында екi рет жарық көрдi. Әсiресе, күздi жақсы көредi екен. Сезiмтал ақын. Дәурендi өлең өнерiнiң өз өренi деп айта аламын, – дедi М.Байғұт.

Сырласу кешiнде ақын Шалқар Әбiш, «Оңтүстiк-Цирк» мекемесiнiң директоры Арман Әлиев, ОҚО жастар саясаты мәселелерi жөнiндегi басқарманың басшысы Болат Жанәбiл және өңiрiмiздiң белгiлi қаламгерлерi кеш иесi туралы жылы пiкiрлерiн айтты. Ақынның анасы Қалдыгүл Ибрагимова да ұлы туралы жүрекжарды ойларымен бөлiстi.

Осы күнi Дәурен Айманбетовтiң «Кiтапхана және қаламгер» бағдарламасы аясында жарық көрген «Сары жапырақ – сарғайған жүрек» атты жыр жинағының тұсауы кесiлдi. Оны кiтапхана директорының орынбасары Ақмарал Омарова жиналған көпшiлiкке таныстырып, оқырманға тарту еттi.

Мерейi тасыған сыршыл ақын осы кештi ұйымдастырғаны үшiн Шәрбану Дiнәсiлова басқаратын кiтапхана ұжымына алғысын айтып, өз өлеңдерiнен шашу шашты.

 

Оңтүстік Қазақстан облысында ел тәуелсiздiгiнiң 25 жылдығына орайластырылған iс-шаралар легi басталып та кеттi. Мерекелiк көңiл-күй барлық ұжымдардан байқалады.

Қазақ поэзиясында өзiндiк қолтаңбасы бар ақын, К.Симонов атындағы әдеби сыйлықтың иегерi Нармахан Бегалыұлының есiмi өлеңсүйер қауымға етене таныс. Басқасын былай қойғанда, орыстың ғажайып лирик ақыны Афанасий Феттiң өлеңдерiн қазақ тiлiне құнарын жоғалтпай, мөлдiрете аударған еңбегiнiң өзi не тұрады?!

«Ұлы дала елi – Тәуелсiздiктiң 25 негiзi» атты 25 жұлдызды күн акциясы аясында Шымкент қаласындағы №83 жалпы орта мектебiнде «Тәуелсiздiк жылында 25 кiтап оқимыз» атты оқушылар арасында кiтап оқу марафоны өттi. Сондай-ақ, мәнерлеп жатқа айтудан «25 жыл – 25 жыр» сайысы ұйымдастырылды. «Тамыры терең бәйтерек» атты тарихи-танымдық тәрбие сағаты мемлекет қайраткерi, қолбасшы, дипломат Абылай ханға арналды. Ағартушы, педагог, жазушы Ы.Алтынсариннiң туғанына 175 жыл толуына орай «Сөнбейтiн шырақ, қанбайтын бұлақ», «Жыр алыбы – Жамбыл» поэзия кешi секiлдi әдеби шаралар ұйымдастырылуда.

Ел Тәуелсiздiгiнiң 25 жылдығына орай Бәйдiбек ауданының өнерпаздары жырдан шашу шашты. Облыстық дәрежеде өткен «Шаянға барсаң әншiмiн деме» атты ән байқауына өңiрiмiздiң әр түкпiрiнен көптеген өнерпаздар келiп бақ сынады. Кезiнде заңғар жазушы Мұхтар Әуезов Қаратаудың етегiн жайлаған елдiң өнер десе iшкен асын жерге қоятын ынтасы мен ықыласына риза болған екен. Сол кездегi Алғабас ауданында қаламгер әр шаңырақтан әнге құмар жандарды жолықтырған дейдi. «Шаянға барсаң әншiмiн деме» деген сөз содан қалған екен.

Жиырма бес жылдан берi тәуелсiз қазақ жұртына аянбай қызмет ететiн алғыр да патриот жастардың тұтас буыны қалыптасты. Баршаға белгiлi, әлемдегi өркениеттi елдер қатарына ену  үшiн жiгерлi, жаңашыл идеялармен қаруланған, бiлiмге құштар, ұлттық құндылықтарды бойына сiңiрген жастарды тәрбиелеу қажет.  25 жыл iшiнде  елiмiзде жастар саясаты мәселелерiне үлкен көңiл бөлiндi.  «Дипломмен – ауылға», «Жастар практикасы», «Серпiн — 2050» бағдарламалары да талай жастың жолын  ашты. Бүгiнде әр салада жалынды еңбек етiп, жетiстiкке жетiп жүрген жастар қаншама?! Солардың бiрi – Ахан Қазыбеков. Түркiстандағы Қ.А.Ясауи атындағы Халықаралық қазақ-түрiк университетiнiң түлегi. Жас хирург. «Дипломмен – ауылға» бағдарламасы арқылы Бәйдiбек аудандық  емханасына жұмысқа орналасқан ол екi жыл iшiнде тұрғындардың алғысына бөленiп үлгердi.

«Skifnews.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

E-mail: info.skifnews@gmail.com

Сайтта жарнама орналастыру

   

Skifnews жаңалықтарын Facebook-те
оқу үшін "Нравится" белгісін басыңыз

  

 

Яндекс.Метрика

©2016 Skifnews.kz. Авторлық және жарнама құқықтар толығымен сақталады.

DivideGroup — сайт әзірлеуші