$ 448.15  483.46  4.86

Семейде 14 жастағы жасөспірім жыныстық зорлық-зомбылықтың құрбаны болды

Тіпті жергілікті полицейлер істің тонын айналдырып, жігітті қылмыстан құтқару үшін қыз баланың абыройын шашқан.
Фото: pixabay
Фото: pixabay

Семейде 14 жастағы қыз жыныстық зорлық-зомбылық құрбанына айналды. Қыз балаға 18 жастағы жігіт арам пиғылын жасаған деп хабарлайды, Stan.kz ақпарат агенттігі.

Бұл туралы қоғам белсендісі Дина Таңсәрі Facebook-тегі парақшасында жазды. Дерекке сүйенсек, оқиға 2022 жылы әлеуметтік желі арқылы танысудан басталған. Кейін ер адам оны үйіне шақырып, арам пиғылын іске асырған көрінеді. Жыныстық қатынастан бұрын қыз оған 14 жаста екенін ескерткен. 

Енді тергеу жұмыстары басталғанда әлгі 18 жастағы азамат жасөспірімнің кәмелет жасына толмағанын білмегенін айтып ақталуда. Тіпті жергілікті полицейлер істің тонын айналдырып, жігітті қылмыстан құтқару үшін қыз баланың абыройын шашқан. Яғни, жасөспірімнің жалаңаш суретін әлеуметтік желіге жариялап жіберген. 

ФОТО: Dina Tansari

Туыстары бұл жағдай бойынша прокуратураға да шағымданыпты. Десе де желтоқсандағы жағдай әлі дұрыс шешімін табар емес, дейді қоғам белсендісі.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары