Аралас жекпе-жек шебері, қазақстандық Жалғас Жұмағұлов келесі айқасы қашан өтетінін айтты, деп хабарлайды ҚазАқпарат.
«6 мамырға әрекет етіп жатырмыз, Иншаллах», - деп жазды Жұмағұлов Instagram-да. Ол сондай-ақ келесі жекпе-жегінің постерін жариялады. Оның қарсыласы - бразилиялық спортшы Рафаэль Эстевам. Ол 11 айқас өткізіп, бірде-біреуінде жеңіліп көрмеген.
Кездесу 6 мамырда Ньюаркадағы (Нью-Джерси) UFC 288 турнирінде өтеді. Әуелде қазақстандықтың қарсыласы америкалық спортшы Натан Манесс (14-3) болуы керек еді, бірақ ол жарақатына байланысты жекпе-жектен бас тартты.