Президент әкімдерге өз қалалары бойынша жаяу жүруге кеңес берген еді. Алайда Ақтөбе облысы мен қалалық әкімнің қандай көліктермен жүретіні және олар жаяу қаншалықты серуендейтіні белгілі болды деп хабарлайды "Диапазон" газеті.
Өткен аптада еліміздің әлеуметтік-экономикалық дамуы тақырыбындағы кеңес барысында президент Қасым-Жомарт Тоқаев қалалардың дамуына елеулі назар аударуға шақырды. "Әкімдер өз қалалары мен елді мекендерінде жаяу жүруі керек", – деді мемлекет басшысы. Ақтөбе қаласының әкімі Мұрат Жүребековтың 2014 жылғы Kia Quoris қызметтік автокөлігі бар. "Көлікпен жүремін. Бірақ жұмыс күндері де, демалыс күндері де көшелер аралап, тұрғын алаптармен, аулалармен жаяу жүремін", – деді Жүребеков. ”Диапазон” Облыс әкімі Ералы Тоғжанов 2012 жылғы Lexus қызметтік автокөлігі бар екенін айтты. "Аудандар мен ауылдарға жаяу бара алмаймын. Білесіздер, жол алыс. Қалада барлық жерде жаяу жүру мүмкін емес. Менің ойымша, жаяу жүреміз деп көрініс қою ешкімге қажет емес. Объективті түрде көлікпен жүру керек жерде көлікпен жүреміз. Қай жерде жаяу жүру мүмкін, әрине, сол жерде жаяу жүреміз", – деді Ералы Тоғжанов.