Орал қаласында әйелге жолдағы шұңқырды айналып өткені үшін айыппұл салынған. Бұл туралы Stan.kz ақпарат агенттігі.
Орал тұрғыны Дамира Сманқұлова жолдағы терең шұңқырды айналып өткені үшін айыппұл салынғанына наразы. Ол хаттамаға қол қоюдан да, полиция бөліміне келуден де бас тартты.
БҚО полиция департаментінің баспасөз қызметі әйелге ӘҚБтК-нің 595-бабы "Маневр жасау ережелерін бұзу" бойынша әкімшілік хаттама тотырылғанын түсіндірді. Айыппұл сомасы – 17 мың теңге. Кейінірек әйел сотқа жүгінді. 4 мамырда алғашқы сот отырысы өтті.
Сотта әйел айыппұлмен келіспейтінін мәлімдеп, шешімнің күшін жоюды сұрады.
"Онда “тегіс емес жол” деген белгі болуы тиіс. Менің ойымша, жол полициясы бізді қорғауы керек, ал олар керісінше... Шұңқырды айналып өткенім үшін тоқтатты. Мұнымен келіспеймін. Егер мұндай шұңқыр болмаса, өтпейтін едім. Алдын-ала байқасам да, ондайға жол бермес едім. Қызметкерлер неге дәл осы шұңқырдың артында тұрды? Біржақты жол болса, қалай мен кедергі келтірдім?", - деді әйел сотта.
Орал жол-патрульдік полициясының аға инспекторы Руслан Асанов әйел маневр жасаған кезде бұрылу сигналын қоспағанын атап өтті.
"Мұны байқадым да, тоқтаттым. Өзімді таныстырдым. Құжаттарды көрсетуімді сұрады. Бұзушылық жасағанын хабарладым. Ол ұрыса бастады. Оның бәрі бейнежазбада бар, мен оны ұсындым. Егер жүргізуші өзін дұрыс ұстаса, мен профилактикалық әңгіме жүргізіп, әкімшілік айыппұл түріндегі жазаны қолданбай жіберер едім. Бірақ жүргізуші өзін дұрыс ұстамағандықтан, мен бәрін заң бойынша қолдандым", – деп қорытындылады инспектор.
Сонымен қатар, полицей жол қозғалысы ережелерін бұзудың бейнефиксациясы жоқ екенін айтты және мұны жад графикалық картасы жетонға жазылмағандығымен түсіндірді. Орал әкімшілік сотының судьясы Ботагөз Баймұханова процеске қатысушылардан қажетті құжаттарды ұсынуды сұрады және сот отырысын кейінге қалдырды.