Алматыда кинотеатрлардың бірінде 20 жастағы қызды бір топ жігіт зорлаған

Полицейлер Алматыдағы кинотеатрлардың бірінде 20 жастағы қыздың топтасып зорлаудың құрбаны болғаны туралы ақпаратты тексеріп жатыр, - деп хабарлайды Tengrinews.kz.

"НеМолчиKZ" қорының әлеуметтік желіcінде Алматыда 14 мамырға қараған түні топтық зорлау болғаны туралы жазба пайда болды.

Жазбада 20 жастағы қыздың досымен бірге кино залына барғаны, бірақ сол жерде ол топтық зорлаудың құрбаны болғаны жазылған. Оның айтуынша, осы мекеменің директоры зорлық әрекеттерден кейін оны бірден қорқыта бастаған. Полицияға арыздансаң интимдік суреттерің мен видеоларды интернетте таратамын деген. Қыз бұндай қысым мен қоқан-лоққыларға шыдай алмай, барға барып, бөтелке сындырып, өз-өзіне қол жұмсауға тырысқан. Осыдан кейін үшеуі де қорқып қашып кеткен. Екеуі әлі қашып жүргені, біреуі кеше табылып, жауап алынып, босатылғаны, тергеуші сараптама нәтижесін күтетінін айтқаны айтылған.

Бұл жағдайға қатысты Алматы полиция департаменті пікір білдірді. 2002 жылғы қыз өзінің зорлық әрекеттерге ұшырағанын растап, арыз жазған.

"Іс жүргізу аясында сот-медициналық сараптама тағайындалды. Қазіргі уақытта ҚР ҚІЖК 24-бабының талаптарын орындау мақсатында сотқа дейінгі тергеп-тексеру істің мән-жайын жан-жақты, толық және объективті зерттеуге бағытталған", - делінген хабарламада.