Қызылорда облысында пойыз өртенді

Өрттің шығу себептерін анықтау жұмысы жүріп жатыр.

Фото: ҚазАқпарат

«Қазақстан темір жолы» компаниясы Қызылорда облысы аумағында жүк пойызы локомотивінің өртену себебін анықтап жатыр, деп хабарлайды ҚазАқпарат.

«Осы жылдың 16 мамырында Қызылорда-Жосалы учаскесінде жүк пойызының локомотиві өртенді. Оқиға салдарынан ешкім зардап шеккен жоқ. Өрт аудандық өртке қарсы қызмет күшімен жедел түрде өшірілді», - деп атап өтеді «Қазақстан темір жолы» компаниясының баспасөз қызметінен.

Компания мәліметінше, оқиға орнына қосалқы локомотив жіберілген.

Өрттің шығу себептерін анықтау жұмысы жүріп жатыр.