Павлодарда жылу трассасының қаптамасы өртенді, деп хабарлайды Azattyq Ruhy.
Облыстық ТЖД баспасөз қызметінің мәліметінше, 22 мамыр күні сағат 15:35-те Н.Назарбаев даңғылындағы көпірдің артында жылу трассасы жанып жатқаны туралы хабарлама түскен.
«Өрт құрғақ шөпті және жылу құбырының жылу оқшаулағыш қаптамасын қамтыды. Қанша аумақ жанғаны анықталып жатыр», - деді департаментте.
Қазіргі уақытта оқиға орнынла өрт сөндіру қызметінен екі қызметкер және өрт сөндіру қызметінің бір арнайы машинасы жұмыс істеп жатыр.