Шымкентте атыс шығарған ер адамға қатысты үкім жарияланды

Шымкенттегі атыс биыл ақпанда Ілияев пен Рысқұлбеков көшелері қиылысында болған.

фото: tengrinews.kz

Шымкентте биыл ақпанда атыс шығарған Өзбекстан азаматына қатысты сот үкімі шықты, - деп хабарлайды Tengrinews.kz тілшісі.

Бұл іс Шымкент ҚМСБ-да ашық түрде қаралды.

"15 жылға бас бостандығынан айыру жазасын орташа қауіпсіздік мекемесінде өтеуге сотталды", - деді судья Самиддин Теміралиев.

Еске салайық, Шымкенттегі атыс биыл ақпанда Ілияев пен Рысқұлбеков көшелері қиылысында болған. Оқиға орнынан қашып кетпек болған қарулы ер адамды патрульдік полиция қызметкерлері мен криминалдық полиция қызметкері ұстаған болатын.