$ 449.58  486.94  4.86

Автоматтар, тапаншалар мен гранаталар: ҰҚК тәркіленген қаруды көрсетті

Бұл фактілер бойынша сотқа дейінгі тергеу жүргізіліп жатыр.
фото: ҰҚК
фото: ҰҚК

Ұлттық қауіпсіздік комитеті елдің бірнеше өңірінде тәркіленген қару-жарақтар туралы мәлімдеді, деп хабарлайды BAQ.KZ.

2023 жылғы сәуір және мамыр айларында Ұлттық қауіпсіздік комитеті полициямен бірге, сонымен қатар прокуратура органдарымен әрекеттесе отырып, қарудың заңсыз айналымына қарсы іс-қимыл бойынша бірқатар жедел-іздестіру іс-шарасын жүргізді, оның ішінде «қаңтар» оқиғалары кезінде ұрланғандары да бар, - делінген ҰҚК таратқан хабарламада.

Нәтижесінде 42 қару («МР-40» автоматы, «Драгунов» снайперлік винтовкасы, 22 мылтық, 18 тапанша), 8 граната, РПГ-ның 2 снаряды, 4051 түрлі калибрлі оқ-дәрі, сонымен қатар броньды қорғаныс кеудешелер, автоматтардың оқжатарлары, радиостанциялар және пышақтар тәркіленді.

Бұл фактілер бойынша сотқа дейінгі тергеу жүргізіліп жатыр. Заңсыз айналымда жүрген қару-жарақты іздестіру мен тәркілеу іс-шаралары жалғасып жатыр. 

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары