Синоптиктер сенбі күні елімізде ауа райы қандай болатынын айтты

Қазақстанның синоптиктері сенбі, 2023 жылдың 10 маусымына арналған ауа райы болжамын ұсынды, деп хабарлайды Zakon.kz.

"Қазгидромет" РМК мәліметінше, еліміздің басым бөлігінде ауа райының тұрақсыз сипаты сақталады, соған байланысты найзағай ойнап, жаңбыр жауады.

"Тек республиканың батысында, солтүстік-батысында және оңтүстік-батысында жауын-шашынсыз ауа райы сақталады. Республикада жел күшейеді, шығыста шаңды дауыл тұрады, солтүстікте, шығыста, орталықта бұршақ жаууы мүмкін, шығыста, оңтүстікте – бұрқасын, түнде және таңертең солтүстікте тұман түседі", - делінген хабарламада.

Болжам бойынша, күндіз Батыс Қазақстан облысының шығысында, оңтүстік-шығысында жоғары өрт қаупі сақталады.

Бұған дейін синоптиктер қазақстандықтарға 2023 жылдың 10-12 маусымы аралығында аптап ыстық 20 градусқа дейін төмендейді деп уәде еткен болатын. «Қазгидромет» РМК мәліметі бойынша, республиканың солтүстігінде және шығысында +20+29°, орталықта +20+33°, оңтүстік-шығыста +23° дейін жылу төмендейді деп күтілуде.