$ 441.66 € 475.14 ₽ 4.86
Қарағанды қаласында 4 жасар қызды ұрлап кеткен ресейлік Астанада ұсталды, деп хабарлайды polisia.kz.
Қарағанды қаласының полициясына 25 жастағы қала тұрғыны арызданған. Бұрын бірге тұрған Ресей Федерациясының 34 жастағы азаматы оның 4 жасар қызын ұрлап кеткен.
Аталған факт ҚК 125-бабының 2-тармағы, яғни "Кәмелетке толмаған адамға қатысты жасалған адам ұрлау" бойынша тіркелді.
13 маусымда кешенді жедел-іздестіру іс-шаралары барысында полиция департаментінің ұйымдасқан қылмысқа қарсы күрес басқармасының және криминалдық полициясының қызметкерлері Астана қаласында күдіктіні ұстады.
Ұрланған қыз анасына берілді. Қазір тергеу әрекеттері жүріп жатыр.
