Астанада үш жасар қыз 17-қабаттан құлап кетті. Бұл туралы Stan.kz ақпарат агенттігі хабарлайды.
Оқиға Нәжімеденова көшесіндегі үйдің ауласында болған. Бала алған жарақаттарының нәтижесінде оқиға орнында көз жұмды.
"30 маусымда "102" арнасына Нәжімеденова көшесіндегі бір үйдің ауласында 17-қабаттан бала құлап кетті деген қоңырау түсті. Оқиға орнына полиция қызметкерлері келді. Бұл дерек расталды. Үш жасар қыз алған жарақатынан сол жерде көз жұмды, сараптамалар тағайындалды", - деді Астана полиция департаментінің баспасөз қызметінің жетекшісі Эльмира Шәуленова.